.zoomeffect img{ -webkit-transform:scale(0.8); -moz-transform:scale(0.8); -o-transform:scale(0.8); -webkit-transition-duration: 0.5s; -moz-transition-duration: 0.5s; -o-transition-duration: 0.5s; opacity: 0.7; margin: 0 10px 5px 0; } .zoomeffect img:hover{ -webkit-transform:scale(1.1); -moz-transform:scale(1.1); -o-transform:scale(1.1); opacity: 1; }

Social Icons

Sunday, June 21, 2015

எமலோகப் பதவி - நாடகம்

காட்சி - 1 - படிக்க இங்கே சொடுக்கவும்

காட்சி - 2 - படிக்க இங்கே சொடுக்கவும்

காட்சி - 3,4,5 - படிக்க இங்கே சொடுக்கவும்


முக்கிய குறிப்பு:  இந்த நாடகத்தை ஏதேனும் வியாபார நோக்கோடு பயன்படுத்த வேண்டும் என நினைப்பவர்கள், என்னிடம் தொடர்பு கொள்ளவும். மின்னஞ்சல்: psdprasad.blog@rediffmail.com


காட்சி - 6                               இடம்: ஒரு சாலை

சி.கு:(தனக்குள்)  ஷ்...! பரந்து கிடக்கும் இந்த் பூலோகத்தில் எங்கென்று தேடுவது? பூமிக்கு வந்ததும் என் தேவ லோக சக்திகள் எல்லாம் நினைவில் வர மாட்டேன் என்கிறது ! எமதர்மனிடம் உதவி கேட்க வேண்டியதுதான்...

பிரபு ! நான் தான் சித்ரகுப்தன் பேசுகிறேன்... அந்தப் பட்டியலைத் தேடித் தேடி அலுத்துவிட்டேன்...நான் மீண்டும் உங்களிடமே வந்து விடுகிறேனே !

எமன்: இங்கே வருகிறாயா? ஹா...ஹா...அப்போது பட்டியல்?

சி.கு: பட்டியல்...பட்டியல்...பிரபு ! உங்களைக் காணாமல் என்னால் இருக்க முடியவில்லை ! அந்த பட்டியல் போனால் என்ன? வேறு ஒரு பட்டியல் தயாரித்துக் கொள்வோமே !

எமன்: சித்ரகுப்தா ! உன் இஷ்டத்திற்கு புது பட்டியல் எல்லாம் செய்ய முடியாது. தொலைந்து போனதைத் தேடி எடுத்து வா ! உனக்கு நான் இங்கிருந்தே உதவுகிறேன் !

சி.கு: உதவி செய்யுங்கள் பிரபு ! உதவி !

எமன்: ஹா...ஹா...! என் சக்தியை பயன்படுத்திப் பார்த்ததில், அந்த பட்டியல் நீ இருக்கும் ஊரில்தான் ஒருவனிடம் இருக்கிறது. அவனிடம் ஒரு நவீன சாதனமும் உள்ளது...பட்டியலுடன், அவனையும் நம் உலகத்துக்கு அழைத்து வா ! ஹா....ஹா...!

சி.கு: உதவிக்கு நன்றி பிரபு ! என் பதவி...?!

எமன்: சித்ரகுப்தா ! நீ வரும் வரை அந்த பதவி உனக்குத் தான்...கவலைப்படாதே !

சி.கு: நான் வந்த பிறகு...?

எமன்: அதைப் பிறகு பார்த்துக் கொள்வோம் !

சி.கு: நன்றி...ராஜனே ! நன்றி...!

(மீண்டும் தேடுதல் தொடர்கிறது....)

--------------காட்சி முடிவு--------------------

காட்சி - 7                இடம்: தேவதாஸ் (கணிணி மாமா) வீடு

பாபு: கம்ப்யூட்டர் மாமா ! கம்ப்யூட்டர் மாமா !  நீங்க இன்னும் கிளம்பலயா?

தேவ்: ஷ்...! சத்தம் போடாதே ! எங்க அப்பா சரியான 'மூட்'-ல இல்ல...ரொம்ப கோபமா இருக்காரு...அந்த ரூம்-லேர்ந்து என்ன சொல்றார் கேளு...!

அப்பா: சரியான உதவாக்கர ! எப்ப பாரு...அந்த கம்ப்யூட்டரைக் கட்டிகிட்டு உட்கார்ந்திருக்கான் ! டேய் ! என் வாயாலயே சொல்லக்கூடாது...இருந்தாலும் சொல்றேன் ! ரொம்ப பெரிய்ய படிப்பு படிச்சு புட்டதா நெனச்சு, "பெரிய பதவி என்னைத் தானா தேடி வரும்"-ன்னு சொல்லிகிட்டு இருக்கியே...உனக்கு எமலோகப் பதவி கிடைக்கிற வரைக்கும், இந்த பூலோகத்தில ஒரு பதவியும் கிடைக்காது...!

தேவ்: பாபு ! கேட்டியா ! அன்னிக்கு என்னடா-ன்னா "இந்த ஜென்மத்துல உனக்கு வேலை கிடைக்காது-ன்னாரு...இன்னிக்கு...இப்படி...

பாபு: சரி மாமா ! நான் போயிட்டு அப்புறமா வர்றேன்...!

தேவ்: பாபு..இருடா ! அந்த க்ரீடம் வெச்ச ஆள 'பூத்'-ல பார்த்தேன்-னு சொன்னியே ! அவனை இன்னிக்குத் தேடி கண்டுபிடிச்சே ஆகணும்...

பாபு: கவலைப்படாதீங்க ! அவன நான் அடையாளம் காட்டறேன் !

தேவ்: வா...! வா...! என்னோட...இப்படியே இந்த பக்கமா வீட்டை விட்டு வெளியே போயிடலாம்...அப்பாக்குத் தெரியாது...!

(இருவரும் வெளியே செல்கிறார்கள் - சாலை ஒன்றில்...)

தேவ்: அப்பாவுக்குத் தெரியாம இவ்ளோ தூரம் வந்தாச்சு ! அந்தக் க்ரீட மண்டையனை இன்னும் கண்டுபிடிக்க முடியலையே !

பாபு: அதோ பாருங்க அங்கிள் ! அந்த ஆளுதான்...

தேவ்: ம்...அவனா ! ஆமாம்...தலையில க்ரீடம்...ராஜா மாதிரி வேஷம்... சரி வா ! கிட்ட போய் கேட்போம் !
(அவனருகில் சென்று) ஹலோ ! என்ன தேடறீங்க...நானும் கொஞ்சம் ஹெல்ப் பண்றேன்...!

தேடுபவன்: அது வந்து...ஒரு பேப்பர்..

தேவ்: காகிதமா...என்ன அது..? ஏதாவது லிஸ்டா?

தேடுபவன்: ஆமாம்...ஆமாம்...உனக்கு எப்படி தெரியும்?

தேவ்: அந்த லிஸ்ட்-ல என்ன எழுதியிருக்கு-ன்னு சொல்லட்டா?  டேய் ! உண்மைய சொல்லு ! 10:15-க்கு சாவு...10:16 க்கு சாவு-ன்னு அந்த லிஸ்ட்-ல் எழுதி வெச்சிருக்கியே...நீ யாரு...உண்மைய சொல்லலைனா போலிஸ்-க்குப் போவேன்...

தேடுபவன்: ஐயயோ ! போலிஸ்-க்கு எல்லாம் போயிடாதீங்க...! நான் ஒரு நடிகன்...!

தேவ்: அதான் நல்லா நடிக்கிறயே !

தேடுபவன்: தம்பி ! எனக்கு உண்மையிலயே ஒண்ணும் தெரியாது....'சுமங்கலி நாடக சபா' நடத்துற நாடகத்தில சித்ரகுப்தன் வேஷத்தில நடிக்கிறேன்...அதான் இந்த மேக்-அப் !

தேவ்: அப்ப...நீங்க தேடின அந்த பேப்பர்?

தேடுபவன்: நாடகத்துல பேச வேண்டிய டயலாக் ஸ்க்ரிப்ட்...வசனத்தை மனப்பாடம் செய்யறதுக்கு எடுத்துகிட்டு வந்தேன்...எங்கேயோ பறக்க விட்டேன் போல...!

தேவ்: டேய் பாபு ! என்னடா இது...!

பாபு: அப்படீன்னா..இந்த ஆளு இல்ல போலிருக்கு மாமா !

தேவ்: கிழிஞ்சுது போ...! இதான் சின்னப் பசங்கள எல்லாம் நம்பி ஒரு காரியமும் செய்யக்கூடாது....அப்ப..சாரி-ங்க...உங்க டயலாக் ஸ்கிரிப்ட் பத்தி எங்களுக்குத் தெரியாது...சாரி...நாங்க வ்ர்றோம்...!

தேடுபவன்: போலிஸ்...! போலிஸ்...! என்னை அடிக்கிறாங்க...!

தேவ்: டேய் பாபு...ஓடுடா...! இவன் நம்மள மாட்டிவிட்டுடுவான் போல...

(ஓடுகிறார்கள்)

----காட்சி முடிவு.....

7 comments:

  1. வணக்கம்
    அண்ணா
    வித்தியாசமான கருவை எடுத்து வித்தியாசமாக அசத்தியுள்ளீர்கள் வாழ்த்துக்கள். மற்ற தொடரையும் படித்து கருத்து எழுதுகிறேன்... பகிர்வுக்கு நன்றி

    -நன்றி-
    -அன்புடன்-
    -ரூபன்-

    ReplyDelete
    Replies
    1. உங்கள் கருத்திலேயே மிகவும் ரசித்திருக்கிறீர்கள் என்பது தெரிகிறது...நன்றி ! தொடரவும்

      Delete
  2. இன்னும் மாட்டவில்லையே...

    ReplyDelete
  3. விரைவில் வழி தெரியும்..தொடரவும்

    ReplyDelete
  4. பள்ளியில் பயன்படுத்த மிகவும் உபயோகதாக இருந்தது. நன்றி. மேலும் இது போல் சில நாடகங்கள் தர வேண்டுகிறேன்...

    ReplyDelete
  5. நன்றி ஐயா ! இதே வலைப்பூவில் இன்னும் ஓரிரு நாடகப் பதிவுகள் இருக்கின்றன...படிக்கவும்..

    ReplyDelete

Shareit

 

Sample text

Sample Text

 
Blogger Templates