வாடா தம்பி முரளி ! - நீ
கிளப்பி டாதே புரளி !
வாடி யக்கா வசந்தி - நீ
பரப்பி டாதே வதந்தி !
சோறு தின்னா தினம் தினமும் ! -ஒரு
நோவு வந்து சேருமுன்னு...
நீரு குடிச்சா அடிக்கடி யாய் ! - உள்
நெஞ்சடைச்சு போகுமுன்னு!
ஜோரா நிக்கும் தலைவரை யும் - அவர்
காலம் ஆனார் சோகமுன்னு...
தீரா சண்டை ஹீரோவுக்கும் - அவர்
காதலிக்கும் வந்ததுன்னு...!
பூவா வித்தா அதுல கூட - பல
ப்ளாஸ்டிக் பூவு உள்ளதுன்னு...
மாவா வித்தா அதுல கூட - ஒரு
மாஞ்சா கலந்து இருக்குதுன்னு.
தாலி கயிறைக் கட்டிகிட்டா - பெரும்
தாக்கம் தரும் ஆபத்துன்னு...
காலி டப்பா கையில் வெச்சா - பணம்
காலியாகிப் போகுமுன்னு..
தோதா ஒரு திட்டம் வந்தா - அதத்
தொடர்ந்து வரும் குழப்பமுன்னு...
ஏதோ ஒண்ணு சொல்லிகிட்டு - இங்க
ஏய்க்கிறது பொழுதுபோக்கா?
வாடா தம்பி முரளி ! - நீ
கிளப்பி டாதே புரளி !
வாடி யக்கா வசந்தி - நீ
பரப்பி டாதே வதந்தி !
