அறுபத்து எட்டு ஆண்டுகள் ஆச்சு சுதந்திரம் வாங்கி !
ஒருமித்து சொல்வோம் 'ஜெய் ஹிந்த்' என்று குரலினை ஓங்கி !
பெருமையாய்ச் சொல்ல சாதனை இருக்கு ! சோதனை தாண்டி !
அருமையா இன்னும் செய்திடலாம்நாம் ! தடைகளை நீக்கி
மனநிலை கொஞ்சம் மாறிட வேணும் ! நம்மவர்க் கெல்லாம் !
குணத்தின் குரங்கு இறங்கிட வேணும் ! கெடுப்போர்க் கெல்லாம் !
பணப்பேய் ஆட்டம் அடங்கிட வேணும் ! ஆள்வோர்க் கெல்லாம் !
இனநாய் வெறியும் அழிந்திட வேணும் ! வஞ்சகர்க் கெல்லாம் !
விந்தய மலையைத் தாண்டும் உயரம் ! பெருமையைச் சேர்க்கும்!
இந்திய மூளை சந்தையில் போனால்...வெற்றியை பார்க்கும் !
சுந்தர இயற்கை வளங்கள் அந் நிய...நாட்டையும் ஈர்க்கும் !
வந்தனம் செய்து கைகளை நீட்டி...நமை வர வேற்கும் !
மாற்றம் வேணும் எல்லாத் துறை யிலும் ! அணுகிடும் முறையில் !
ஏற்றம் ஒன்றே குறிக்கோள் என்றே..! நிறுத்திட வேணும் !
சீற்றம் கொண்ட காற்றாய் மாறி...வீசிட வேணும் !
தோற்றோம் என்ற பேச்சே இல்லை...ஜெயித்திட வேணும் !
இனிய சுதந்திர தின நல்வாழ்த்துக்கள்!
ReplyDeleteஇனிய சுதந்திர தின நல்வாழ்த்துக்கள்!
ReplyDelete