கவிஞன் !

உள்ளத்தில் ஊறிவரும் உணர்ச்சிகட்கு...
   உயிரோட்டம் தருபவனே கவிஞன் !
பள்ளத்தில் வீழ்ந்திருக்கும் குருடர்களை...
     பார்வையுறச் செய்பவனே கவிஞன் !

சிந்தனையாம் பெண்ணவளைக் கைப்பிடிப்பான் !
    சீறிஎழும் புரட்சிமகள் ஈன்றெடுப்பான் !
நிந்தனைக்கு ஒருநாளும் அஞ்சமாட்டான் !
   நித்தநித்தம் கனவுலகில் சஞ்சரிப்பான் !

இறகடித்து இன்பமுற கற்பனையாம்
     எழில்வானில் சஞ்சரித்து இறங்கிவந்து...
சிறக்குமொரு கவிப்பெண்ணை பெற்றெடுப்பான்...
    சீரோடு சமுதாயம் செழிக்கவென்றே !