.zoomeffect img{ -webkit-transform:scale(0.8); -moz-transform:scale(0.8); -o-transform:scale(0.8); -webkit-transition-duration: 0.5s; -moz-transition-duration: 0.5s; -o-transition-duration: 0.5s; opacity: 0.7; margin: 0 10px 5px 0; } .zoomeffect img:hover{ -webkit-transform:scale(1.1); -moz-transform:scale(1.1); -o-transform:scale(1.1); opacity: 1; }

Social Icons

Saturday, November 8, 2014

இடி !

வானிலை அறிக்கை கேட்டேன் !
   வருகுது பெரும்புயல் என்றார் !
நீர்நிலை மட்டம் எல்லாம்...
   உயர்ந்திடும் என்றும் சொன்னார் !

கடும் மழை புயலிலெல்லாம்..
    குழந்தையர் சிக்கா திருக்க....
"விடுமுறை பள்ளிகள்" என்று...
   இன்னொரு சேதியும் சொன்னார் !

தூரல்கள் அங்கும் இங்கும்...
   ஓரிரு எண்ணியேத் தூர...
பேரிடி, காற்றும் இன்றி...
    பொய்த்தது வானிலை அறிக்கை !

அடுத்தநாள் புயலைப் பற்றி...
   பெரியதாய் அறிக்கை இல்லை..
கடுப்பிலே இருந்தவன் போல...
   கதிரவன் கொதித்தே மேய்ந்தான் !

பள்ளியில் நடந்த தென்று
   'பகீர்'எனும் செய்தி ஒன்றை...
சொல்லிடக் கேட் டதிர்ந்தேன் !
   என்சொலக் கொடுமை தன்னை !

நாலிரு வயதேஆன...
    பூத்திடா பூவின் மொட்டை
பாலியல் கொடுமை செய்தான்!
   போதனை செய்யும் ஆசான் !

நேற்றைய வானிலை அறிக்கை...
   இன்றுதான் பலித்தது போல...
கீற்றென மின்னலும் இடியும்...
    குழந்தையின் வாழ்வில் இன்று !

சிறுவரை பாலியல் கொடுமை
   செய்துசீர் அழிக்கும் இந்த...
சிறுசெயல் தன்னை ஒழிப்போம் !
   சிந்தனை நல்லது கொள்வோம் !

6 comments:

  1. வணக்கம்
    அண்ணா.

    கவிதை வரிகள் மிக அருமையாக உள்ளது பகிர்வுக்கு நன்றி
    -நன்றி-
    -அன்புடன்-
    -ரூபன்-

    ReplyDelete
    Replies
    1. வழக்கம் போல் ரூபனின் வார்த்தைகள் ஊக்க மருந்துதான் ! மிக்க நன்றி ரூபன் !

      Delete

  2. வணக்கம்!

    அரங்கேற்றம் என்னும் அரும்வலை தன்னில்
    உரமூட்டும் ஆக்கம் ஒளிரும்! - வரம்கூட்டும்
    வண்ணத் தமிழை வளமாய் வடித்துள்ளார்!
    எண்ணம் இனிக்க இயம்பு

    கவிஞர் கி. பாரதிதாசன்
    தலைவர்: கம்பன் கழகம் பிரான்சு

    ReplyDelete
    Replies
    1. அன்பாலே சிலவார்த்தை தனைச்சொல்லி வாழ்த்தவந்த‌
      வெண்பாவின் வேந்தனுக்கு நன்றிகளே ! - பண்பாட்டு
      செந்தமிழில் உம்பணியும் சிறந்திடவே வேண்டுகிறேன் !
      தொந்திகண பதியின் பதம் !

      Delete
  3. சிறந்த பாவரிகள்
    சிந்திக்கவைக்கிறது
    தொடருங்கள்

    ReplyDelete
    Replies
    1. தங்கள் வருகைக்கும் வாழ்த்துக்கும் மிக்க நன்றி !

      Delete

Shareit

 

Sample text

Sample Text

 
Blogger Templates