கடி ஜோக்ஸ் - பாகம் - 35

"பத்லு-வோடு நண்பன் 'சமோசா மோட்டு'வையும், நடிகை ஹன்சிகாவையும் எப்படி ஒரே வாக்கியத்தில கூப்பிடறது?"

"தெரியலையே !"

"மோட்டு வா நீ !..."

"????"

"இருந்த சில்லரையெல்லாம் காலி...வாலெட்-ல 'ஈ' கூட இல்ல..."

"அப்ப ஈ-வாலட் -டுக்கு மாறிட்டிங்கன்னு சொல்லுங்க...!"

"!!!"

"அந்த டாக்டர் ஒவ்வொரு பேஷண்ட்-கிட்டேயும் ரொம்ப நேரமா பேசறாரே !"

"அவரு  Doctor இல்ல...Talk-tor"

ஐயனை நான் மறவேன் !

பல்லவி
-------------------
மண்டல விரதம்...
மணிகண்டன் சரணம்...
மகர தீபம் இவை மூன்றும்...
இன்னொரு ஜென்மம் கொண்டு வந்தாலும்
நிச்சயம் நான் மறவேன்..!
நிச்சயம் நான் மறவேன்..!

ஐயப்ப சரணம்  ! சாமியே சரணம்  !
ஐயப்ப சரணம்  ! சாமியே சரணம்  !

சரணம் - 1
-------------------

விரதம் இருந்தும் படிகள் ஏறும் தேக பலம் தருவான் !
சரணம் சொல்லி உருகும் அடியார் துணையும் ஆகிடுவான் !

சபரி மாமலை சென்றிடும் அனுபவம் நிச்சயம் நான் மறவேன் !
நிச்சயம் நான் மறவேன்..!


ஐயப்ப சரணம்  ! சாமியே சரணம்  !
ஐயப்ப சரணம்  ! சாமியே சரணம்  !

(மண்டல விரதம்)

சரணம் - 2
----------------------

நெய்ய பிஷேகம் செய்திடும் போது மெய்யது சிலிர்த்திடுமே !
ஐயனை ஜோதி வடிவாய்க் காண ஆனந்தம் கூத்திடுமே !

சபரி வாசனின் சத்திய தரிசனம் நிச்சயம் நான் மறவேன் !

நிச்சயம் நான் மறவேன்..!

ஐயப்ப சரணம்  ! சாமியே சரணம்  !
ஐயப்ப சரணம்  ! சாமியே சரணம்  !

(மண்டல விரதம்)

---பி.பிரசாத்

கடி ஜோக்ஸ் - பாகம் - 34

பல் டாக்டர் வேற என்ன செய்வாரு?

 

"டென்டல் டாக்டர்-கிட்ட போனியே ! என்ன செக் பண்ணினாரு?"

" 'பல்'ஸ் தான்" !

"???"

தடுக்கி விழும் ஃபீல்டர்


 
"கிரிக்கெட் விளையாடும்போது அடிக்கடி தடுக்கி தடுக்கி விழறாரே...யார் அவரு?"

" 'ஸ்லிப்'   ஃபீல்டர் தான் !"

"???"


தலைவரா சேர்க்கும் கூட்டம்

 

"நம்ம தலைவரு, 'உடல் பலம் மிகுந்த இளைஞர்கள் 10 பேர் வேலைக்குத் தேவை'-ன்னு விளம்பரம் கொடுத்திருக்காரே ! என்ன அடியாள் சேர்க்கறாரா?"

"அட நீ வேற ! ஏ.டி.எம்-ல நின்னு பணம் எடுக்கத்தான்...!"


"!!!!"

கடி ஜோக்ஸ் - பாகம் - 33

"டா", "டி" 

"சின்ன வயசில 'போடா..போடி'-ன்னு சண்டை போட்டுகிட்டு இருந்த ராமுவும், ஷீலாவும் லவ் மேரேஜ் பண்ணிகிட்டு போயி...இப்போ ஹோட்டல் வெச்சு நடத்தறாங்களாமே...!  இப்பவும் "டா", "டி" உண்டா?"

"இப்ப கூட இவன் போன் 'டா', பகோ 'டா' போடறான். அவ பச்ச 'டி', கிச்ச 'டி' யும் செய்யறாளாம் !"

ஜாதகமே தெரியும்

"பூனைக் கண் புவனாவோட ஜாதகமே உன் கையில இருக்குன்னு சொன்னியே...அவ நட்சத்திரம் என்ன சொல்லு பார்க்கலாம்..!"

"கேட் டை ! (Cat-eye) "

"!!!"



கிழிஞ்ச படம்

"'கிழிஞ்ச துணி'-ன்னு ஒரு படம் எடுத்தீங்களே...ரிவ்யூ எப்படி இருக்கு?"

"படத்துல நிறைய ஓட்டை இருக்கு-ன்னு சொல்றாங்க..!"

"!!!!"

கடி ஜோக்ஸ் - பாகம் - 32

மகுடி வித்வான் !

"அந்த நாதஸ்வர வித்வான், தன்னோட காதலி ஞாபகம் வந்தா மகுடி வாசிப்பாராமே!!! ஏன்?"

"காதலி பேரு 'நாக' லட்சுமி ஆச்சே !"


சவுண்டு பார்ட்டி !

அந்த சேனல்ல இரைச்சலா  பேசி நாட்டு நடப்பு ப்ரோக்ராம் பண்ணுவாரே...அவர் ஏதோ படத்துல நடிக்கிறாராமே...என்ன படம்?

'கத்தி' சண்டை...!



ர‌வுண்டு பார்ட்டி !

ஏற்கனவே குண்டா இருந்த காமெடி நடிகர் காங்கேயம், பட வாய்ப்பு இல்லாம ஒரு வருஷம் இருந்ததுல...இன்னும் குண்டாயிட்டாரே...!

அவரு, 'இன்னும் ஒரு ரவுண்டு வருவேன்'-னு சொன்னாரே...அதான்...!



வள்ளல் மன்னன் !

"மன்னர் ஜாகிங் போகும் போது இளநீர் குடித்துவிட்டு 20 ரூபாய்க்கு, 500 ரூபாய் கொடுத்துவிட்டுப் போறாரே ! எவ்வளவு பெரிய வள்ளல் நம்ம மன்னர்?"


"அட நீ வேற..! இளநீர்காரன் 'சேஞ்ஜ்' தர முடியாது'ன்னு சொல்லிட்டானாம்...!"

கடி ஜோக்ஸ் - பாகம் - 31

கணக்கு வெச்சு செய்யறோமுல்ல...!

"மாசா மாசம் அந்தக் கடையில ஷேவ் பண்ணிகிட்டு  பணம் கொடுக்காம வர்றியே ! ஏன்?"

"அங்க‌ என்னோடு ஷேவிங்ஸ் அக்கௌண்ட் இருக்கு...!"

"???"



மூக்கு பிடிக்க...

"நல்லா மூக்கு பிடிக்க சாப்பிட்டேன்-னு சொன்னீங்க...கூடவே ,..சாப்பாடு நல்லாவே இல்ல-ன்னு சொல்றிங்க?"

"மூக்கப் புடிச்சிகிட்டு சாப்பிடற அளவுக்கு துர்நாற்றம்-ன்னு சொல்ல வந்தேன் !"

"!!!!"

ஸ்ட்ரைக் !

"அந்த ஆஸ்பத்திரியிலே அடிப்படை வசதிகள் செஞ்சு  தராததுனால ஆப்பரேஷன் பண்ண முடியாது-ன்னு ஸ்ட்ரைக் பண்றாங்களாமே !"

"சர்ஜிகல் ஸ்ட்ரைக்-ன்னு சொன்னாங்களே ! இதுதானா அது...!"

"!!!"

கடி ஜோக்ஸ் - பாகம் - 30

ஆன்லைன் மாமி

"பக்கத்து வீட்டு மாமி, காய் கறி-லேர்ந்து, மொபைல், டி.வி வரைக்கும் எல்லாமே ஆன்லைன்-ல தான் வாங்கறாங்க !"

"அப்போ அந்த மாமி, சாதாரண மாமி இல்ல...இமாமி ! (e-மாமி) !"

"!!!"

மரமா? மாமனா?

"உன்னோட வருங்கால கணவர் நீ என்ன சொன்னாலும், ரீ-ஆக்டே பண்ணாம மரம் போல‌ இருக்காரே !...ஏன்.."

"அவருதான் என் "wood" -பீ ஆச்சே !"

"!!!"

விளையாட்டுப் பிள்ளை

"நான் 'படி படி'ன்னு சொன்னாலும் படிக்காம என் பையனும் 'படி படி'-ன்னு விளையாடிகிட்டிருக்கான் !"

"அப்படி என்ன விளையாடறான்?"

"கபடி-தான்..!"