திருப்பாவை 7 - பொருள்

 "கீசு கீசு என்று"  -  எளிய தமிழ் கவிதை வடிவில்

தடுப்பூசி ஜோக்ஸ்

 #கடி ஜோக்ஸ் - பாகம் - 94

மாஸ்க் விரிய Smile Please !

"கடைசியா ஒரு ஹிந்தி படம் பார்க்கும்போது த்யேட்டர்ல சந்திச்சவங்க...இப்ப மறுபடியும் தடுப்பூசி திருவிழாவில் சந்திக்கிறாங்களாம். இத வெச்சு அந்த ஹிந்தி படம் பேர் சொல்லுங்க பார்ப்போம் !"

"ம்ம்ம்ம்ம்ம்ம்...தெரியலையே !"

"JAB வி மெட்"

******************************

"ஏங்க பெரியவரே ! உங்க வயசுக்கெல்லாம் முதல்லய தடுப்பூசி போட ஆரம்பிச்சிட்டாங்களே ! இவ்வளவு லேட்டா வந்ததோட இல்லாம கையில போடற ஊசிக்கு கால் டவுசரை வேற விலக்கிட்டு இருக்கீங்க?"

"வீட்டுலதான் 'பின்னால' போட்டுக்கலாம், 'பின்னால' போட்டுக்கலாம்ன்னு சொன்னாங்க !" 

*******************

DAY OF DOSES

"இன்னிக்கு ஆபிஸ்ல பாஸ் கிட்ட நல்லா ஒரு டோஸ் வாங்கிகிட்டேன். அப்படியே ஆஸ்பத்திரி போனா...அங்க நர்ஸ்-கிட்ட ஒரு டோஸ் வாங்கிகிட்டேன் !"

"நர்ஸ்கிட்ட திட்டு வாங்கினீங்களா?"

"இல்ல...முதல் டோஸ் தடுப்பூசி போட்டுகிட்டேன் !"

************************

"இந்த வயசிலயும் எனக்கு ஒரு சர்ட்டிபிகேட் கிடைச்சிருக்குன்னு பெரிசு ரொம்ப அலட்டிக்குதே ! அப்படி என்ன முதியோர் மாரத்தான்ல ஓடிச்சா?"

"அட நீங்க வேற ! அது தடுப்பூசி போட்டுகிட்டதுக்கான சர்ட்டிபிகேட்...!"

*********************

"அந்த தடுப்பூசி திருவிழாவில  ஏன் ஓடிப் புடிச்சி விளையாடறாங்க?"

"அட நீங்க வேற ! ரிஜிஸ்டர் பண்ணிகிட்டு ஊசி போட்டுக்க வந்தவரு...நர்ஸ் ஊசியை எடுத்த உடனே பயந்து ஓடறாரு ! நர்சும் பின்னாடியே ஓடறாங்க !"

???

**************************

"ஊசி கையிலதான போடப் போறேன். ஏன் மாஸ்க்-கை கழட்டறீங்க?"

"ஆன்னு சத்தம் போடத்தான்..."

"???"

For more jokes, poems and stories, please visit  

https://psdprasad-tamil.blogspot.com 

மௌனம் கலைக்கும் நேரம்

தெய்வம் எல்லாம் இன்று... மௌனம் ஆனது ! தெய்வம் எல்லாம் இன்று மௌனம் ஆனது ! மனித குலம் அழிக்கும் கிருமி அதன் ஆட்டம்...அடக்காமலே... கண்டும் காணாது...கேட்டும் கேளாது... (தெய்வம் எல்லாம்) தோல் வண்ணம் பார்த்தேதான் நோய் தாக்குமா? ஆ...ஆ.... தோல் வண்ணம் பார்த்தேதான் நோய் தாக்குமா? - இந்த ஆள் வெள்ளை இவன் கருப்பன் எனபார்க்குமா? மாந்தர்க் குள்ளே பேதம் இல்லை பாடம் உண்டாச்சு... வேந்தன் என்ன வறியோன் என்ன ஒண்ணே கண்டாச்சு... பாடம் சொல்ல...வந்த வினையோ? இதை உணர்ந் தோமே..உள்ளம் தெளிந்தோமே தெய்வங்களே ! இன்னும் ஏன்மௌனம்? காக்க இது தருணம் ! (தெய்வம் எல்லாம்) சம்பந்தர் பதிகத்தில் பிணி தீர்ந்தது ... ஆ...ஆ.. சம்பந்தர் பதிகத்தில் பிணி தீர்ந்தது ... ஆதி சங்கரர் பாடலில் பொன் சேர்ந்தது ! அதுபோல் பாடி அருளைக் கேட்க யாருமில்லையோ ! கடவுள் எல்லாம் அடமாய் இருந்தால் அகிலமில்லையே ! போதும் கொடுமை..இல்லை பொறுமை.. பதில் சொல்வீரோ? அணைத்துக் கொள்வீரோ? தெய்வங்களே ! இன்னும் ஏன்மௌனம்? காக்க இது தருணம் ! (தெய்வம் எல்லாம்)

பதஞ்சலி முனியே நமஸ்காரம் !

"யோக சாஸ்திரம்" படைத்த பதஞ்சலி முனிவரின் வாழ்க்கை பற்றிய வரலாற்றுத் தகவல்கள்  உறுதிப்படுத்தப்பட்ட நிலையில் கிடைக்கப்பெறவில்லை. அவரது பங்களிப்பு, யோக சாஸ்திரம் தவிர ஆயுர்வேதத்திலும், நாட்டியக் கலையிலும் இருந்ததாகக் கருதப்படுகிறது, ஆதிசேஷனின் அவதாரமாகக் கருதப்படும் மஹரிஷி பல அரிய சக்திகளைக் கொண்டிருந்ததாகவும், திருப்பட்டூரில் ஜீவ சமாதி கொண்டதாகவும் நம்பப்படுகிறது. அவருக்கு ஒரு பாமாலை :

பாடலாசிரியர்: ஸ்ரீதேவிபிரசாத்

ராகம்: சக்ரவாகம்

****************************

அவதார புருஷராய் அவனிக்கு வந்தார் !

சிவன், விஷ்ணு அருளோடு நலம்புரிய வந்தார் !

தவ ஞான மஹரிஷியாம் பதஞ்சலியாய் வந்தார் !

தேகநலன் பேணுகின்ற வழிகளதைத் தந்தார் !

கோரஸ்:

நாக உடல், நரனின் தலை கொண்ட விசேஷன் !

யோகக் கலை எழுத வந்த ஸ்ரீ ஆதிசேஷன் ! 

---

மனித உடல் அறிவியலை அறிந்திருந்த ஞானி !

புனிதர் அவர் வரலாறு அறியவில்லை பூமி !

ஆயுர்வேத மருந்தியலில் அவரே முன்னோடி !

காலம் அவர் மகிமையினைக் காட்டும் கண்ணாடி !

காலம் அவர் மகிமையினைக் காட்டும் கண்ணாடி !

கோரஸ்:

நாக உடல், நரனின் தலை கொண்ட விசேஷன் !

யோகக் கலை எழுத வந்த ஸ்ரீ ஆதிசேஷன் ! 

(அவதார)

ஆடல்கலை போற்ற வந்த நடராஜர் ரூபம் !

ஆசனங்கள் செய்யும் முறை அவரளித்த வேதம் !

திருப்பட்டூர் சன்னதியில் செய்திடுவார் தியானம் !

அவர்புகழை உலகறிய பாடிடுவோம் கானம் !

அவர்புகழை உலகறிய பாடிடுவோம் கானம்  !

கோரஸ்:

நாக உடல், நரனின் தலை கொண்ட விசேஷன் !

யோகக் கலை எழுத வந்த ஸ்ரீ ஆதிசேஷன் ! 

(அவதார)

வைரஸ் தொற்று - தெரிந்த தகவல்கள் -
வடிவேலு டெமோவுடன்...பொழுதுபோக்குக்காக வீடியோ..ஆனால் சொல்லுகின்ற வழிமுறைகளை சீரியசாக எடுத்துக் கொள்ளுங்கள் !...
#takecare #staysafe  #covid19

LOCKDOWN SONG - ஊரடங்கு பாட்டு - வடிவேலு ஆட்டமுடன்...

ஊரடங்கு பாட்டு - எனது வரிகளில், என் மகனின் ஒளி கோர்ப்பில்...பொழுதுபோக்குக்காக மட்டும்...

கொரோனா கானா

அஜித் நடித்த "ஆனந்த பூங்காற்றே !" படத்தில் இடம்பெற்ற "மீனாட்சி மீனாட்சி அண்ணன் காதல் என்னாச்சி" என்ற பாடலின் மெட்டில் பாடலாம்...பாடுவதற்கான KARAOKE TRACK கொடுத்துள்ளேன் DOWNLOAD - செய்து கொள்ளலாம்.
பாடுபவர்கள், எனக்கு  info@paattufactory.com - email-ல் share  செய்யவும். #கொரோனாகானா  #coronagana

********
Download Mp3

SMULE App-ல் பாட

தான நனா தான நனா தான நனா
தான நனா தான நனா தான நனா
வெங்கிட்டு  ! வெங்கிட்டு !
Music
போவதிப்போ எங்கிட்டு?
Music
வெங்கிட்டு  ! வெங்கிட்டு !
போவதிப்போ எங்கிட்டு?

வெங்கிட்டு  ! வெங்கிட்டு !
புள்ளை குட்டிய கூட்டிட்டு

தயிரு, பாலு பாக்கெட்டு,
காயி, பழம் மார்க்கெட்டு

போவாதநீ கூட்டமெல்லாம் கூட்டிகிட்டு
ஆவாத நீ வாட்டமான டாரு கெட்டு !

போவாதநீ கூட்டமெல்லாம் கூட்டிகிட்டு
ஆவாத நீ வாட்டமான டாரு கெட்டு !

வெங்கிட்டு  ! வெங்கிட்டு !
போவதிப்போ எங்கிட்டு?

வெங்கிட்டு  ! வெங்கிட்டு !
போவதிப்போ எங்கிட்டு?

MUSIC
*****


மாஸ்க்க மாட்டு க்ளவுசை போட்டு
சொன்னத கேட்டுகிட்டு...
மாஸ காட்டு பூட்டிகிட்டு
வீட்டுல இருந்துட்டு...
Music
மாஸ்க்க மாட்டு க்ளவுசை போட்டு
சொன்னத கேட்டுகிட்டு...
மாஸ காட்டு பூட்டிகிட்டு
வீட்டுல இருந்துட்டு...

கைய கழுவி கிட்டு
பைய சாப்ட்டு புட்டு...

காலில்கால போட்டு
போனில் கால போட்டு

நாளு புல்லா பேசு...
சொந்தம் கிட்ட பேசு...

முடிஞ்சிதுனா ஹெல்ப்பு
பண்ணலாமே மாப்பு !

போவாதநீ கூட்டமெல்லாம் கூட்டிகிட்டு
ஆவாத நீ வாட்டமான டாரு கெட்டு !

வெங்கிட்டு  ! வெங்கிட்டு !
போவதிப்போ எங்கிட்டு?

வெங்கிட்டு  ! வெங்கிட்டு !
புள்ளை குட்டிய கூட்டிட்டு

தயிரு, பாலு பாக்கெட்டு,
காயி, பழம் மார்க்கெட்டு

போவாதநீ கூட்டமெல்லாம் கூட்டிகிட்டு
ஆவாத நீ வாட்டமான டாரு கெட்டு !

போவாதநீ கூட்டமெல்லாம் கூட்டிகிட்டு
ஆவாத நீ வாட்டமான டாரு கெட்டு !

#கானா பாடல்கள்

கொரனா..கொரனா..கொரனா..

#கடி ஜோக்ஸ் - பாகம் - 95

கொரைக்காத நாய்

"உங்க வீட்டு நாய்க்கு வைரஸ் காய்ச்சல்ன்னு நம்ம குமாரு சொன்னானே ! அப்படியா ?!"

"புதுசா வாங்கின நாய் கொரன்னாலும் கொரைக்க மாட்டேங்குதுன்னு சொன்னேன்...! அவன் கொரன்னா-வ மட்டும் காதுல வாங்கிகிட்டு கெளப்பிவிட்டுட்டான் போல...!"

"???"

துப்பட்டா 

"பைக்ல போகுற பொண்ணுங்க எதுக்கு துப்பட்டாவால முகத்தை மூடிக்கிறாங்கன்னு நேத்து வரைக்கும் கிண்டல் பண்ணிகிட்டிருந்தாரே !"

"ஆமாம...நம்ம நல்லகண்ணு...அவருக்கு என்னாச்சு?"

"இப்போ அவரே முகத்துல துப்பட்டா கட்டிகிட்டுதான் வெளியில போறாராம் !"


முகமூடி

"ஏன் சார் பேங்கு-க்கு முகமூடி போட்டு வந்தவங்கள வாசல்லேயே தடுத்து நிறுத்தாம, உள்ளே விட்டீங்க ?"

"சார் ! கஸ்டமர்தான் மாஸ்க் போட்டு வர்றார்ன்னு நெனச்சிட்டேன் சார் !"

"???"

கரும்பு-விரும்பு- எறும்பு

#கடி ஜோக்ஸ் - பாகம் - 94

கரும்பு-விரும்பு- எறும்பு

"கரும்பை வாங்கி வெச்ச உடனே எறும்பு வர்ற மாதிரி, எங்க அத்தையும் கரும்பை பார்த்தா 'டக்'ன்னு வந்து நிப்பாங்க !"

"இதுல என்ன ஆச்சர்யம் ! அவங்களும் 'ஆன்ட்-டி' தானே !"

சீரும் சிறப்பும்

"உங்க மாப்பிள்ளைக்கு பொங்கல் சீரு கொடுக்க மறந்துட்டேன்ன்னு சொன்னீங்களே !அவரு கோவிச்சுக்கலையா?"

"அவரு நடிகர் ஜீவா ரசிகர்ன்னு தெரிஞ்சதனால.. படம் வெளியாகிறப்ப சீறு படத்துக்கு டிக்கெட் வாங்கித்தர்ரேன்னு சொல்லி சமாளிச்சுட்டேனே."

மோப்ப நாய்

"நேத்து பக்கத்து தெருவுல ஒரு கொலை நடந்திருக்குன்னு சொன்னீங்களே ! அப்போ நைட் 9:30 மணி இருக்குமா?"

"ஏன் கேட்கறீங்க?"

"அப்போதான், எங்க வீட்டு நாய், "கொல கொல"ந்னு கொலச்சுது...!

ஆனியன் alias வெங்காயம்

நண்பர் ஒருவர் முகநூலில், "வெங்காயம்" என்ற தலைப்பில் கவிதை எழுதச் சொன்னார். அந்த முயற்சியை இங்கே பகிர்கிறேன் !


ஆனியன் alias வெங்காயம்

உணவகத்தில் சாப்பிடவே அவா ! - சென்று

      உட்கார்ந்து கேட்டேனே 'ஆனியன் ரவா !'

மன அகத்துள் எதிர்பார்ப்பு ! ஆசை ! - இதோ

     கொண்டு வந்து வைத்துவிட்டார் தோசை !

உண்ணுகின்ற வேளையிலே வாழ்வின் - ஒரு

     தத்துவத்தை உணர்ந்தேனே நானும் !

மண்ணுலக வாழ்க்கைஒரு "தேடலே" ! - இதோ

     தேடுகிறேன் 'ஆனியனை' தோசையிலே !

கடி ஜோக்ஸ் - பாகம் - 93

#கடி ஜோக்ஸ் - பாகம் - 93


"சார் ! உங்க பையன் பள்ளிக்கூடத்துக்கு எக்ஸாம் எழுத வரும்போது, நகத்திலேயே one word answer எல்லாம் எழுதிகிட்டு வர்றான் சார் !"

"அப்படியா ! விடையெல்லாம் FINGER TIPS-ல இருக்குன்னு இதத்தான் சொன்னானோ !"

"!!!"
_______________________________________

"ஒலிம்பிக்  போட்டியில துப்பாக்கி சுடுதல்ல (ஷூட்டிங்) பதக்கம் ஜெயிச்ச பொண்ணோட வாழ்க்கையை படமாக்கி அந்த டைரக்டர் ஜெயிச்சிட்டாரு ! நானும் அதை வெச்சே ஒரு படம் எடுக்கலாமுன்னு இருக்கேன்...என்ன பேர் வைக்கலாம்?"

"சுட்டபடம்...!"

"???"

********************************************************

தமிழாசிரியர்: ஐயா ! உங்கள் மகன்.. பள்ளி செல்லும் பிள்ளைக்கு இப்படியா முடி திருத்தம் செய்யவிடுவது?

அப்பா: அவன திருத்த முடியல சார் !

தங்க்லீஷ் ஜோக்ஸ்

#கடி ஜோக்ஸ் - பாகம் - 92

1993-ம் ஆண்டு, அன்றைய நாளில்  பிரபலமாக இருந்த விவேகானந்தா கல்வி நிலையம் (Spoken English)  நடத்திய "தமிழ்-ஆங்கிலம் கலவை ஜோக்ஸ்" போட்டியில், மூன்றாவது பரிசு பெற்ற எனது ஜோக். மறைந்த திரு,க்ரேஸி மோகன் ஐயா அவர்கள் வெற்றி பெற்ற ஜோக்ஸை தேர்வு செய்த குழுவில் இருந்தவர் என்பது பெருமைக்குரியது... 

 தொடர்ந்து.... இன்றைய fresh jokes...

"இல்லாத No-Ball-ஐ நடுவர் நோ-பால் கொடுத்துட்டார்ன்னு அம்பயர் மேல வழக்கு போட்டதோட இல்லாம, அந்த பந்தை எடுத்து வந்து நீதிபதி மேசையில வேற வெச்சீங்களே ! எதுக்கு?"

" The ball is in your court-  ன்னு சொல்லத்தான்...!"

***************************************************


"இவனோட தாத்தா நல்லா சாப்பிடுவாராம் ! வீட்டுல அவர சாப்பாட்டு ராமன்னுதான் சொல்வாங்களாம் ! அதே போல இவனோட அப்பா..அவரும் நல்லா கட்டுவாரு...இவன் அப்படியே நல்ல வாரிசா வந்திருக்கான்...தின்ற விஷயத்தில..."

"Following their FOOD steps- ன்னு சொல்லுங்க...!"

****************************************************************

ஜிம்-முன்னு சில ஜோக்ஸ்

#கடி ஜோக்ஸ் - பாகம் - 91


மாடல் ஆகுவேன் மம்மி !

"ஏன்டீ ! பேஷன் ஷோ மாடல் ஆகப் போறேன்னு சொல்லிகிட்டு இப்படி நொறுக்கு தீனியா தின்னுகிட்டு இருந்தா எப்படிதான் மாடல் ஆகமுடியும்?"

"முடியும் அம்மா ! ப்ள்ஸ் சைஸ் மாடல் ஆயிடுவேனே !"

"????"

ஜிம் பாடின்னா என்ன?

"ஏங்க தரகரே ! மாப்பிள்ளை பையனுக்கு 'ஜிம் பாடி' ந்னு சொன்னீங்க...பாத்தா அப்படி தெரியலையே !"

"108 கிலோ இருந்தவரு, இப்ப வெயிட் கொறச்சு 99 கிலோ ஆயிருக்காரே ! அதைச் சொன்னேன்!"

"!!!!"

ஷ்..அப்பா...வெயிட்டீஸ் !

"வெயிட் லிப்டிங் பண்ணிகிட்டு இருந்தப்போ, போன் வந்தவுடனே ஒரு கையை விட்டுட்டு டக்-குன்னு போன் எடுத்ததனால, கால்-ல அடிபட்டுகிட்டாரு நம்ம மதன் !"

"வெயிட் பண்ணி கால் எடுக்காததினால...கால்ல வெயிட் விழுந்திடுச்சுன்னு சொல்லுங்க !"

"???"

கோபக்கார தலைவர்

#கடி ஜோக்ஸ் - பாகம் - 90
 
டெலிவரி எங்கடா?

" உணவு டெலிவரி செய்யும் APP பண்ணி - அதில வர்ற ஆர்டர் எல்லாம், டெலிவரி பண்ணாம, தானே சாப்பிடறாராமே அந்த ஏகாம்பரம்!"

"அவரோட APP, "ஏகாம்பரம் ஈட்ஸ்" - தானே !

"???"

ஒய் கிவ் ய ஸ்லிப்?

"பூதம், பேய் எல்லாம், ஸ்லிப்-புல அவங்க பேர் இருந்தும் ஓட்டுரிமை இல்லையான்னு போராட்டம் பண்ணுதாமே !"

"அவங்க பேர்ல என்ன இருக்கு? "

"பூத் ஸ்லிப்...தான்..!"

கோபக்கார தலைவர்

"நம்ம தலைவருக்கு ஆனாலும் இத்தனை கோபம் ஆகாது..."

"அப்படி என்ன பண்ணினாரு?"

"ஓட்டு போட போனபோது வாக்கு இயந்திரத்தில எதிர்க்கட்சி சின்னத்தை பாத்த உடனே அவருக்கு  கோபம் வந்து 'கும்'-முனு அதுல ஒரு குத்து விட்டாராம் . வாக்கு பதிவாயிடுச்சு !"

தெறிக்கவிடும் தலைவா !

#கடி ஜோக்ஸ் - பாகம் - 89

வாட் டூ யு மீன்?

"புதுசா ஆரம்பிக்கிற கட்சிக்கு தலைவர் ஏன் "மீன்" சின்னம் தான் வேணும்-ன்னு அடம் பிடிக்கிறாரு...!"

"அவரு எப்போதும் தண்ணியிலேயே இருக்கிறத சிம்பாளிக்கா சொல்லத் தானாம் !"

"!!!!"



தெறிக்கவிடும் தலைவா !

"நம்ம தலைவர் மேடையில பேசும்போது எச்சில் தெறிக்குதாம்!"

"அதுக்காக...?"

"கூட்டத்தில "தலைவா !"ன்னு கோஷம் போடாம எல்லாரும் "சலைவா" (Saliva)-ன்னு சொல்றாங்க...!"

"????"




வடை போச்சே !

"பேஷண்ட்-டுக்கு போடற இன் ஜெக்ஷன் உடைஞ்சாலும், பேலன்ஸ்-ஆ இருந்த வடை வீணா போனாலும்
டாக்டர் என்ன சொல்வாரு?"

"தெரியலலையே !"

"ஊசி போச்சு...!"

பானை பொங்குது மேலே??

#கடி ஜோக்ஸ் - பாகம் - 88

"ரோடு போடற ஜல்லிய மாலையாய் கட்டி அந்த  மாட்டு கழுத்துல போட்டிருக்கே ஏன்?"

" ஜல்லிக்கட்டு-ங்கிறத அவரு தப்பா புரிஞ்சுகிட்டாரு !"

"???"
--------
" எல்லா வீட்டுலயும் பொங்க பானை மேலதான பொங்கி வரும். அது என்ன உங்க வீட்டுல கீழே பொங்கி வருதுன்னு சொல்றீங்க?"

" பானை அடியில ஓட்டையாச்சே !"

"!!!!"
---------

" அந்த கரும்பு விக்கிறவர்க்கிட்ட அப்படி என்ன சொன்ன? கோவிச்சுகிட்டாரு?!"

" கரும்பு தின்னனும்னு சொன்னேன். 30 ரூபாய் கொடுன்னாரு ! கரும்பு தின்ன கூலியான்னு கேட்டேன்..அதான்..!"

சித்தப்பா - ரஜினி ரசிகர் !

#கடி ஜோக்ஸ் - பாகம் - 87

ரஜினி ரசிகர் !

"உங்க சித்தப்பா ரஜினி ரசிகர்-ன்னு சொல்ற சரி. அதுக்கும் அவர் 2வது கல்யாணம் பண்ணிகிட்டதுக்கும் என்னடா சம்பந்தம்?"

"எனக்கு கெடச்சது சித்தி டூ பாயிண்ட் ஓ -வாச்சே !"

"???"

----------------

"நம்ம தலைவரே தேர்தலில் நம்ம கட்சிக்கு பெரிய தோல்வி-ன்னு ஒத்துகிட்டாராமே !"

"ஆமாம் - உணர்ச்சிவசப்பட்டு, தோல்வி-ன்னாலும் சின்ன தோல்வி இல்லை எங்களுக்கு...அதுவும் பெரிசுதான்-ன்னு அறிக்கை விட்டாராம் !"

"!!!"

------------------

சுட்ட கதை !

#கடி ஜோக்ஸ் - பாகம் - 86


திருடின கதை !

"டைரக்டர் சார் ! உங்க அடுத்த படம் 'திருடின கதை'-ன்னு பேசிக்கிறாங்களே ! அப்படியா !"

"அட நீங்க வேற ! அவங்க பேசிக்கிறது படத்தோட கதையை பத்தி இல்ல...! 'திருடின கதை'-ங்கிறது படத்தோட டைட்டில்...."

"???"

----------------------------------------------------------

ஒரே ஸ்பார்க்

"அடுத்த படத்துக்கான கதை யோசிக்கிறப்போ நம்ம டைரக்டர் தாமஸ்-க்கும், டைரக்டர்  தீனா-வுக்கும் ஒரே ஸ்பார்க் ஆச்சாமே !"

"அப்படி என்ன தோணிச்சாம்?"

"ரொம்ப யோசிக்காம, ஒரு கொரியன் படத்தை சுட்டுடலாமு-ன்னுதான் !"

"!!!"

----------------------------------------------------------

நாவலைத் தழுவி

"என்ன சார் இது ? உங்க நாவலைத் தழுவி படம் எடுக்கலாமுன்னு உங்ககிட்ட பர்மிஷன் கேட்க வந்தா நீங்க வேற ஒரு கதாசிரியரைக் கேட்க சொல்றீங்க !"

"நான் எழுதின நாவலோட கதையே அவர்கிட்ட சுட்டது தான் ! ஹி...ஹி..!

"!!!

பிடித்த‌ பாடல் வரி

#கடி ஜோக்ஸ் - பாகம் - 85

மீ டு !

 
"நேத்து நம்ம தலைவர் பேரு "மீ டு"-வுல வந்துதுல...இன்னிக்கு...நம்ம தலைவர் "மீ டு"ன்னு சொல்லிருக்காரு !"

"அவரை யாரு harass பண்ணினாங்களாம்?"

"அவர் மேல புகார் வந்தது தெரிஞ்ச அவங்க சம்சாரம்-தான் !"

------------



பிடித்த‌ பாடல் வரி

"அவருக்கு புடிச்ச சினிமாப் பாடல் வரி எதுன்னு கேட்டே அவர் சிலை கடத்தல்ல தொடர்பு உள்ளவர்ன்னு எப்படி கரெக்டா சொன்னீங்க?"

"அவருக்கு புடிச்ச வரியா அவரு... "பென்சிலை சீவிடும் பெண் சிலையே !"-ன்னு சொன்னாரே !"

"????"
-------------------

இதுவல்லவோ பயிற்சி !

"உங்க பையன் இந்த வயசுலேயே நல்லா பேட்மிட்டன் விளையாடறானே ! ஏதாவது பயிற்சி எடுத்துக்கறானா?"

"ஆமாம்...வீட்டுல கொசு பேட் வெச்சு கொசு அடிக்கிறானே...!"



"???"

 

சிங்காரம் விளையாடிய GAME

#கடி ஜோக்ஸ் - பாகம் - 84

 
விளையாட்டுக்காரன் !

 
"அந்த சிலை கடத்தல் சிங்காரம், கைதாகும் போது தன் பிள்ளைகளோட விளையாடிகிட்டிருந்தானாம் !"

"அப்படியா! என்ன விளையாட்டு?"

" STATUE GAME  -தான் !"

"!!!"
=========================================================

தூக்கப் போறேன்...கண்ணைக் கட்டி...!

"உன்னோட காதலன சிலை திருட்டு வழக்குல கைது செஞ்சுட்டாங்களாமே !"

"நீ சிலை மாதிரி இருக்கே ! உன்னை ஒருநாள் சிலையைத் தூக்கற மாதிரி தூக்கிட்டுப் போறேன் பாரு..ன்னு அடிக்கடி அவரு சொல்லும்போதே எனக்கு கொஞ்சம் டவுட்-டுதான் !"

"!!!"

======================================================

பல கேஸா?

நீதிபதி: சின்னையன் ! பல கடத்தல் கேஸ்கள்ல உங்களுக்கு பங்கு இருக்குன்னு சொல்றாங்களே ! நீங்க ஒத்துக்கறீங்களா?"

திருடன்: இல்லீங்கய்யா ! சில கடத்தல் தான்யா செஞ்சுருக்கேன் !"