தேர்தல்

தேர்தல் வந்தால் போதும் !
   தெருவிலே வெண்மைக் கோலம் !
மாறுதல் தருவோம் என்று...
    வாயிலே வார்த்தை ஜாலம் !

கறைபடி கையோர் எல்லாம்...
    கறைபோட்ட வேட்டி தன்னை..
அரையிலே அணிந்தே வருவார் !
   அள்ளியே வாக்கும் தருவார் !

டீக்கடை கூட்டம் அள்ளும் !
   'டாக்' கடை எனவே மாறும் !
பூக்கடை, காலை மாலை...
   முப்போது மாலை விற்கும் !

தலைவர்கள் கொடுக்கும் பேட்டி..
  பதியவே நிருபர் போட்டி...!
அலையென கட்-அவுட் போஸ்டர்..
   தெருச்சுவர் சேலை மாட்டி !

கத்தையாய் கரன்சி புரளும் !
   காவல்ர் கண்டால் அலறும் !
வித்தையாய் காட்சிகள் மாறும் !
   தினமொரு நிலையென ஆகும் !

நோட்டுகள் வாங்கிக் கொண்டு
   நமக்குஏன் கவலை என்றே
ஓட்டுகள் அளிப்பது தவறு !
    உணர்ந்திடு அருமை நண்பா !

வாக்கினை செயலாய் மாற்றும்
   வீரனைக் கண்டே உந்தன்...
வாக்கினை பதிவே செய்வாய்...!
   நாட்டையும் காத்திடச் செய்வாய் !

ஜோக்ஸ் - பாகம் - 19

​ஆட்சிக்கு வந்தால்...
​

"​பிரச்சார கூட்டத்துக்கு முன்னாடி தலைவருக்கு வயிறு முட்ட ப்ரியாணி போடதீங்கன்னு சொன்னேனே...கேட்டீங்களா?"​

"ஏன்? என்னாச்சு?"

"நாங்கள் ஆட்சிக்கு வந்தால்...ன்னு தலைவர் பேசத் தொடங்கினவுடனே...பெரிசா "பே...."ன்னு ஏப்பம் விட்டுட்டாரு.......!"

=============================================================================

இக்கட சூடு...!

"தேர்தல் பிரச்சார கூட்டத்தில ஏன் கையில நெருப்பு சட்டியைத் தூக்கிக்கிட்டு இருக்காங்க?"

"அனல் பறக்கும் பிரச்சாரமாம் !"

==============================================================================

தொகுதி பங்கீடு !

"உன் தலைவரு ஏன்யா சோகமா இருக்காரு?"

"கூட்டணிக்கு அழைச்ச கட்சிகிட்ட 25 தொகுதி எங்களுக்கு வேணும்ன்னு கேட்டாராம். ஒருவேளை அவங்க சம்மதிச்சிட்டா நிக்க வைக்க ஆளுக்கு எங்க போறதுன்னு கவலையில இருக்காரு !"

"!!!!"