புத்தாண்டுத் திருமகளே நீவருவாய் ! - நல்
புத்துணர்வு பெருமகிழ்ச்சி அதுதருவாய் !
எத்துயரும் இல்லாத ஆண்டெனவே ! - இங்கு
எம்வாழ்வில் நலம்சேர்க்க நீவருவாய் !
அன்னையென நம்மையெல்லாம் காத்திடுவாள் ! - அந்த
இயற்கையவள் சீற்றங்களை குறைத்திடுவாய் !
மண்ணின்வளம் போற்றிஅதை காத்திடுமோர் - நல்
மனமதனை மனிதருக்கு அளித்திடுவாய் !
மதமென்னும் போர்வைக்குள் ஒளிந்துகொண்டு - பல
மனிதஉயிர் குடிக்கின்ற பயங்கரத்தை...
பதப்படுத்தி நல்வழியில் திரும்பிடச்செய் ! - அவர்
சக்திகளை ஆக்கமுடன் செயல்படவை !
வரும்ஆண்டு வளமெல்லாம் சேர்க்குமென.. - புது
நம்பிக்கை அதுவளர்த்து வாழ்த்துகிறோம் !
வரும் ஆண்டே ! என்னவெல்லாம் கொணர்வாயோ ! - அவை
எல்லாமும் நலம்கூட்ட வேண்டுகிறோம் !
இனிய ஆங்கிலப் புத்தாண்டு வாழ்த்துகள்!
ReplyDeleteஇனிய 2016 இல் எல்லாம் சிறப்பாக அமைய எனது வாழ்த்துகள்!
மிக்க நன்றி ஐயா !
Deleteஇனிய புத்தாண்டு நல்வாழ்த்துக்கள்!
ReplyDeleteமிக்க நன்றி தளிர் சுரேஷ் !
Delete