.zoomeffect img{ -webkit-transform:scale(0.8); -moz-transform:scale(0.8); -o-transform:scale(0.8); -webkit-transition-duration: 0.5s; -moz-transition-duration: 0.5s; -o-transition-duration: 0.5s; opacity: 0.7; margin: 0 10px 5px 0; } .zoomeffect img:hover{ -webkit-transform:scale(1.1); -moz-transform:scale(1.1); -o-transform:scale(1.1); opacity: 1; }

Social Icons

Showing posts with label சுத்தம். Show all posts
Showing posts with label சுத்தம். Show all posts

Sunday, November 22, 2015

கொசு !!

"கடிங்க..." எனக் கொசுக் கூட்டம் வந்தால், "அ..டிங் கு...புடிங்கு.." என்று ஓடுகின்ற நிலையில் சுத்தம் சுகாதாரம் மற்றும் அலட்சியம் செய்யாத கவனம் தேவைப் படுகிறது.



அசுத்தம் சேருகின்ற
   அனைத்து இடமெங்கும்
கொசு, தம் குடும்பத்தை
   குஷியோடு பெருக்கிடுமே !

கொசுபோல் இருக்கின்றாய்
  'என்னிடமா மோதலெ'ன
அசுர சிரிப்போடு
   அலட்சியமாய் கேட்கின்றோம் !

கொசுவை விரட்டுகிற
  சூட்சமம் தேடித்தான்
நசுக்குவோம் எனச்சொல்லி
  கொசுஅழிப்பான் செய்தார்கள் !

வலைப்பூ இணையத்தில்
  வார்க்கின்ற முன்பேநாம்
வலைக்குள் ஒளிந்தவர்கள்
  கொசுவின் கடிபயந்து !

உருவம் அதுகண்டு
  எள்ளாமை வேண்டுமென
அருமை யாயன்றே
  ஐயனும் சொன்னானே !

கொசுவின் கடிக்கிங்கே
  மனித உயிர்போகுதுங்க !
அசுத்தம் அதுஅகற்றி...
  விழிப்புடனே வாழணுங்க !









   

Sunday, January 25, 2015

தூய்மையைப் போற்றுவோம் !

சுத்தமே உணவினைப் போடும்...
  என்றொரு பழமொழி சொன்னார் !
நித்தமும் அதன்படி நடக்க...
   நினைக்கவும் மறந்தே போனார் !

வீதியின் நெரிசல் நடுவில்...
   குப்பையின் உண்டியல் இருக்கும் !
பாதிமேல் குப்பைகள் அதனை
   சுற்றிதான் பரவியேக் கிடக்கும் !

புகைவண்டி  பயணம் போவார் !
   பொழுதினைக் கழிக்கவேத் தின்பார் !
புகைஊதி சிலரும் போவார் !
   குப்பையை வண்டியில் விடுவார் !

இதம்தரும் காற்றைத் தேடி...
   கடற்கரை பக்கம் போவார் !
தடம்பதி மண்ணின் அழகை..
  குப்பையால் தானே மறைப்பார் !

சாலையில் செல்லும் போது...
  எங்கிலும் உழிழ்ந்தே போவார் !
வேலைக்கு செல்வோர் எல்லாம்
  பயந்துதான் ஓரம் போவார் !

சுற்றிலும் சூழ்ந்திடும் குப்பை
   புதுப்புது நோயுண் டாக்கும் !
சுத்தமே சுகங்கள் சேர்க்கும் !
   சற்றுநாம் தெளிந்திட வேண்டும் !

குப்பையை இடுவோர் தானே
   சுத்தமும் செய்திட வேண்டும் !
தப்பினை உணரவும் வேண்டும் !
   தூய்மையைப் போற்றிட வேண்டும் !

Shareit

 

Sample text

Sample Text

 
Blogger Templates