ஜனனிக்கு

மெட்டு: ரகசியமானது காதல்

பெருந்தவம் செய்திடல் வேண்டும் – மிக மிகப்
பெருந்தவம் செய்திடல் வேண்டும்
புவியினில் பெண்ணாய் பிறந்திட யாரும்
புவியினில் பெண்ணாய் பிறந்திட யாரும்

(பெருந்தவம் செய்திடல் வேண்டும்)

பெண்ணாகி எங்கள் குல கண்ணாகினாய் –எங்கள்
கண்ணாகி எந்தன் இசையின் பண்ணாகினாய்
கன்னிப் பருவம் நன்றும் தீதும் அறியாதது - கொஞ்சம்
எண்ணிப் பாரென சொன்னால் கூட புரியாதது
தந்தையின் ஆசிகள் உனக்கு – அது எப்பவும் கூடவே இருக்கு

சிந்தையில் இதை நிலை கொண்டு…தினம் வாழ்ந்திடு நீ இங்கு வென்று
(பெருந்தவம் செய்திடல் வேண்டும்)

ஜான்சியின் ராணீ போலே வீறு கொள்ளனும் – எதைச்
செய்தாலும் நீதான் அதிலே வெற்றி காணனும்

அன்னை தங்கை உறவதன் அருமை உண்ர்ந்தேயிரு – அவர்
வாழ்க்கையில் இன்பஙகள் பொங்கிட காரணமாயிரு

ஜகம் புகழ் பெண்மனி ஜனனி – என போற்றிடும் நாள் யெதிர்பார்த்து ஸ்ருதியுடன் வார்த்தைகள் கொண்டு – பாடுகிறேன் ஒரு வாழ்த்து

(பெருந்தவம் செய்திடல் வேண்டும்)