நிலா

இளம் பிறை நிலா..எந்தன் பக்கம் ஓடி வருதே
கற்பனைத்தேரில் ஒரு உலா..மனதினில் பாடல் தருதே..
விண்ணிலே வெண்ணிலா...கண்ணிலே வந்ததே...
தந்தேன் நான் பண்ணிலே...
(இளம் பிறை நிலா)

மின்மினிப் பூச்சியாய் விண்மீன்கள் மின்னிட
அதனிடை ஜாலம் செய்கிறாய்...
'கண்மணீ' எனக் கொஞ்சி தாயவள் உனைக்காட்டி
மழலைக்கு உணவளிப்பாள்...
உன் மேலே மோகம்தான்...எத்தனை ராகம்டதான்..
பிறந்திடும் சுகம் சுகம் தான்..
(இளம் பிறை நிலா)

உலகியல் வாழ்க்கையின் முன்னேற்றப் படிகள்தான்
உன்தன் நிலை வளற்பிறையே..
சில நேரக் குற்றத்தில் புகழ் மங்கி உயிர் நீத்தல்...
உன்தன் நிலை தேய்பிறையே..
உமை நாதன் சிரம் மேலே...இடம் கொண்ட வெண்ணிலவே..
உன் புகழ் பாடி பாடி நான்...
(இளம் பிறை நிலா)

மழை

சின்னத் தூரலும் மழைச் சாரலும் நெஞ்சை நனைக்குது
வண்ணக் கோலமாய் நல்ல வில்லொன்று வானை மறைக்குது
உள்ளம் குளிருது ஆசைத் துளிருது...கானம் பொறக்குது ..
நல்ல கானம் பொறக்குது(சின்னத் தூரலும்)

உலக உயிர்கள் உய்ய உதவும் உயர்ந்த மழையே..
உணவுப் பொருள்கள் தருவதோடு பருகும் நீரே..
உன்னைக் காணாது சின்னப் புல்லதும் தலை காட்டாது...
(சின்னத் தூரலும்)

என்று பொழிவாய் என்று சொல்ல இங்கு யாருண்டு..நீ
உந்தன் முகத்தை காட்டினாலே பசுமை பொங்கும்..
உந்தன் முன்னோடி கர்ஜிக்கும் பெருஇடி..மின்னல் தோரணம்...
(சின்னத் தூரலும்)